KRYETARI I TRIBUNALIT NDËRKOMBËTAR

Para: Gjykatësit Theodor Meron, Kryetar

Sekretari: Z. Hans Holthuis

Urdhër i datës: 30 maj 2003

PROKURORJA
kundër
Fatmir LIMAJT
HARADIN BALËS
Isak MUSLIUT

Zyra e Prokurorit:
Z. Andrew Cayley
Z. Alex Whiting

Avokatët mbrojtës:
Z. Peter Murphy për Haradin Balën
Z. Steven Powles për Isak Musliun
Z. Karim Khan për Fatmir Limajn

UNË, THEODOR MERON, Kryetar i Tribunalit Ndërkombëtar për Ndjekjen Penale të Personave Përgjegjës për Shkelje të Rënda të së Drejtës Humanitare Ndërkombëtare të Kryera në Territorin e ish-Jugosllavisë prej vitit 1991 ("Tribunali Ndërkombëtar");

DUKE MARRË SHËNIM " Urdhrin e Kryetarit për caktimin e lëndës një dhome gjyqi," dorëzuar më 15 maj 2002, që i caktonte Dhomës së Gjyqit I të përbërë prej Gjykatësve Liu, El Mahdi dhe Orie, lëndën IT-03-66, Prokurorja kundër Fatmir Limajt, Haradin Balës, Isak Musliut dhe Agim Murtezit

DUKE MARRË SHËNIM " Urdhrin e Kryetarit për caktimin e lëndës një Dhome Gjyqi," dorëzuar më 28 nëntor 2002, që i caktonte Dhomës së Gjyqit I të përbërë prej Gjykatësve Liu, El Mahdi dhe Orie, lëndën IT-00-39, Prokurorja kundër Momčilo Krajisnik

DUKE MARRË SHËNIM " Urdhrin për caktimin e një Gjykatësi Ad Litem për një lëndë para një dhome gjyqi," dorëzuar më 8 maj 2002, në të cilin unë kam caktuar Gjykatësin Joacquin Martin Canivell në Dhomën e Gjyqit I për lëndën Prokurorja kundër Momčilo Krajisnik, IT-00-39;

DUKE MARRË PARASYSH Rezolutën 1481 (2003) të Këshillit të Sigurimit, e miratuar më 19 maj 2003, e cila e ndryshoi Nenin 13 quarter të Statutit të Tribunalit Ndërkombëtar për t'i lejuar Gjykatësit ad litem për të gjykuar në procedurat paragjyqësore

DUKE MARRË PARASYSH Rregullën 62 të Rregullores së Procedurës dhe Provave, e cila kërkon që Kryetari t'u caktojë lëndën Dhomave të Gjyqit dhe Rregullën 19(A) që e autorizon Kryetarin të bashkërendojë punën e Dhomave;

ME ANË TË KËTIJ URDHRI URDHËROJ që për lëndën Prokurorja kundër Fatmir Limajt, Haradin Balës, Isak Musliut dhe Agim Murtezit, IT-03-66, Dhoma e Gjyqit do të ketë përbërjen e mëposhtme dhe kjo hyn në fuqi menjëherë

Gjykatësi Amin El Mahdi

Gjykatësi Alphonse Orie

Gjykatësi Joacquin Martin Canivell

Bërë në anglisht dhe frengjisht; versioni në anglisht ka përparësi.

Sot, me datën tridhjetë maj 2003.
Në Hagë
Holandë

/nënshkruar në origjinal/
Theodor Meron
Kryetar

/Vula e Tribunalit/