TRIBUNALI PENAL NDËRKOMBËTAR PËR ISH-JUGOSLLAVINË

Lënda Nr. IT-03-66-PT
Prokurorja kundër Limajt e të tjerëve

VENDIM

SEKRETARI,

DUKE MARRË PARASYSH Statutin e Tribunalit të miratuar nga Këshilli i Sigurimit me anë të Rezolutës 827 (1993), me ndryshime të mëvonshme dhe në veçanti Nenin 21 të tij;

DUKE MARRË PARASYSH Rregulloren e Procedurës dhe të Provave të miratuar nga Tribunali më 11 shkurt 1994, me ndryshime të mëvonshme, dhe në veçanti Rregullat 44 dhe 45 të saj;

DUKE MARRË PARASYSH Udhëzimin për Caktimin e Avokatëve Mbrojtës (më tej "Udhëzimi"), me ndryshime të mëvonshme, dhe në veçanti Nenet 6, 8, 10, 11 dhe 18 të tij;

DUKE MARRË PARASYSH se më 4 mars 2003, Fatmir Limaj (më tej, "i akuzuari") informoi Sekretarinë se ai dëshiron që Z. Kharim Khan, jurist nga Mbretëria e Bashkuar e Britanisë së Madhe dhe Irlandës së Veriut të caktohet avokati i tij mbrojtës;

DUKE MARRË PARASYSH vendimin e Sekretarit të datës 4 mars 2003 i cili caktoi përkohësisht Z. Khan si avokat i të akuzuarit për një periudhë prej 120 ditësh me qëllim që të siguronte të drejtat e të akuzuarit gjatë shqyrtimit të deklaratës së tij të vobektësisë;

DUKE MARRË PARASYSH se Sekretaria nuk zotëron informacion të mjaftueshëm për të përcaktuar vobektësinë;

DUKE MARRË GJITHASHTU PARASYSH se Sekretaria, mbi bazën e Neneve 8 dhe 10 të Udhëzimit dhe duke marrë parasysh artikullin 18 të tij, do të vazhdojë të hetojë gjendjen financiare të të akuzuarit me qëllim që të përcaktojë nëse ai ka mjete të mjaftueshme financiare që të paguajë të gjitha ose një pjesë të shpenzimeve të mbrojtjes;

DUKE MARRË GJITHASHTU PARASYSH të drejtën e atë akuzuarit për një mbrojtje të efektshme para Tribunalit Ndërkombëtar;

ME ANË TË KËTIJ E FTON të akuzuarin të dorëzojë dokumentacion shtesë në Sekretari dhe në veçanti për të vërtetuar vlerën e pasurisë së tij të tundshme e të patundshme;

VENDOS që pa cënuar nenin 18 të Udhëzimit, të vazhdojë detyrën e Z. Khan si avokat mbrojtës i të akuzuarit,që hyn në fuqi prej 4 korrikut 2003

Hans Holthuis
Sekretari
/nënshkruar/

Sot më datën njëzetedy korrik 2003
Në Hagë
Holandë.