Lënda Nr. IT-03-66-PT
Prokurorja kundër Limajt etj.

NË MIRËBESIM

VENDIM

SEKRETARI,

DUKE MARRË PARASYSH Statutin e Tribunalit të miratuar nga Këshilli i Sigurimit me anë të Rezolutës 827 (1993), dhe në veçanti Nenin 21 të tij;

DUKE MARRË PARASYSH Rregulloren e Procedurës dhe të Provave (më tej: "Rregullorja") të miratuar nga Tribunali më 11 shkurt 1994, me ndryshime të mëvonshme, dhe në veçanti Rregullat 44 dhe 45 të saj;

DUKE MARRË PARASYSH Direktivën për Caktimin e Avokatëve Mbrojtës (më tej: "Direktiva") të miratuar nga Tribunali më 28 korrik 1994, me ndryshime të mëvonshme, dhe në veçanti Nenet 6, 8, 10, 11 (A) (iii) dhe 18 (A) (ii) të saj;

DUKE MARRË SHËNIM deklaratën e mjeteve financiare të Zotit Fatmir Limaj (më tej: 'i akuzuari') të dates 3 mars 2003 në të cilën i akuzuari i deklaroi të ardhurat e tij mujore si deputet në Kuvendin e Kosovës dhe pasurinë e tundshme dhe të patundshme në pronësinë e tij dhe të familjes së tij.

DUKE MARRË SHËNIM vendimin e Sekretarit të datës 4 mars 2003, që caktoi përkohësisht Zotin Karim Khan, avokat nga Mbretëria e Bashkuar e Britanisë së Madhe dhe Irlandës Veriore, si avokat i të akuzuarit për një periudhë prej 120 ditësh me qëllim që të siguroheshin të drejtat e të akuzuarit derisa të verifikohej deklarata e tij e varfërisë;

DUKE MARRË SHËNIM vendimin e Sekretarit të datës 22 korrik 2003 për vazhdimin e detyrës së Zotit Khan si avokat i të akuzuarit pa paragjykuar Nenin 18 të Direktivës gjatë hetimit të mëtejshëm të gjendjes së varfërisë së të akuzuarit;

DUKE MARRË PARASYSH faktin se është nisur një fushatë për mbledhjen e mjeteve financiare nëpërmjet themelimit të një fondi të veçantë (më tej: 'fondi') me kontribute në të holla për mbrojtjen e të akuzuarit;

DUKE MARRË SHËNIM më tej Deklaratën për Shtyp nga 'Zyra Koordinuese për Mbrojtjen e Fatmir Limajt' të lëshuar më 8 tetor 2003, që tregon se deri më këtë datë fondi kishte mbledhur 238.381,93 euro, 24.785,55 franka zvicerane, 550,00 dollarë amerikanë dhe 150,00 funta britanike, të cilët, këmbyer në dollarë amerikanë, arrijnë shumën e 291.594,92 dollarëve amerikanë;

DUKE MARRË SHËNIM se, sipas Direktivës, një të akuzuari i mungojnë mjetet për të paguar avokatin në qoftë se nuk ai i ka mjetet e mjaftueshme të cilat do t'i mundësonin për ta paguar avokatin sipas tarifave të caktuara prej Direktivës;

DUKE MARRË PARASYSH dëshirën e të akuzuarit për të caktuar një avokat që e ka zgjedhur vetë për ta përfaqësuar para Tribunalit dhe për të mbuluar shpenzimet e mbrojtjes së vet me të hollat e mbledhura në këtë fond;

DUKE MARRË PARASYSH se shpenzimet e përfaqësimit juridik para Tribunalit në fazën paragjyqësore vlerësohen të jenë afro 211.200 dollarë amerikanë, që përfshijnë honorarë juridikë (deri në maksimumin e 154.000 dollarëve amerikanë për një lëndë të nivelit të parë) dhe shpenzimet për personel ndihmës (deri në maksimumin e 50.000 eurove për një lëndë të nivelit të parë);

DUKE MARRË PARASYSH se honorarët juridikë të paguar prej Tribunalit në këtë lëndë deri tani arrijnë shumën e 51.597,20 dollarëve amerikanë (për muajt mars-korrik inkluzivisht);

DUKE MARRË PARASYSH se kjo shumë u përgjigjet mesatarisht 110 orëve të punës së avokatit mbrojtës për muaj dhe rrjedhimisht mund të pritet se honorarët juridikë të paguar prej Tribunalit për gusht dhe shtator do të arrijne shumën e afro 24.200 dollarëve amerikanë;

DUKE MARRË PARASYSH se në fazën e tanishme të procedurave është e arsyeshme të besohet se Sekretaria do të kishte miratuar një shumë të përgjithshme prej afro 1.400,00 dollarë amerikanë për orë të seancave për pjesën e fazës paragjyqësore që mbetet;

DUKE MARRË PARASYSH se Tribunali ka paguar 287,41 euro për shpenzimet e personelit ndihmës në këtë lëndë;

DUKE MARRË PARASYSH se Tribunali ka paguar afro 17.000,00 dollarë amerikanë për shpenzime të udhëtimit dhe të mëditjeve prej marsit deri në tetor 2003 inkluzivisht dhe, duke marrë parasysh fazën e tanishme të procedurave, Sekretaria nuk do të miratonte më shumë se afro 26.047,00 dollarë amerikanë për udhëtime dhe mëditje për pjesën tjetër të fazës paragjyqësore;

DUKE MARRË PARASYSH se, për këto arsye, shpenzimet e fazës paragjyqësore të lëndës, duke përfshirë udhëtime dhe mëditje dhe orë të seancave, arrijnë deri në afro 257.047,00 dollarë amerikanë;

DUKE MARRË PARASYSH më tej se shumat e paguar prej Tribunalit për shpenzimet e mbrojtjes në këtë lëndë, dmth. afro 93.125,67 dollarë amerikanë, duhet të zbriten nga shpenzimet e përgjithsme të vlerësuara të mbrojtjes në fazën paragjyqësore;

DUKE MARRË PARASYSH se shuma e përgjithsme e mbledhur në fond deri më 8 tetor 2003 i mbulon fare lehtë të gjithë shpenzimet e mbrojtes për pjesën tjetër të fazës paragjyqësore, të vlerësuara 162.762,39 dollarë amerikanë;

DUKE MARRË SHËNIM se i akuzuari është informuar për të drejtën e tij të vazhdueshme për të paraqitur një deklaratë të re të mjeteve financiare dhe për të kërkuar rivlerësimin e statusit të varfërisë së tij dhe rrjedhimisht të drejtën e tij për të marrë ndihmë juridike gjatë fazave të mëvonshme të procedurave;

DUKE MARRË SHËNIM se Direktiva parashikon që Sekretari mund të tërheqë emërimin e avokatit ose shpërblimin e tij të pjesshëm dhe/ose pagimin e shpenzimeve në qoftë se Sekretaria merr informacion që vërteton se i akuzuari ka mjete të mjaftueshme për të paguar mbrojtjen e vet;

DUKE MARRË PARASYSH se i akuzuari e informoi Sekretarin për dëshirën e tij për ta mbajtur Zotin Khan - i cili njihet nga Sekretaria si i kualifikuar për të përfaqësuar persona të akuzuar para Tribunalit - si avokat anëtar të ekipit të tij të mbrojtjes dhe për ta paguar në lidhje me këtë përfaqësim;

VENDOS që të tërheqë emërimin e avokatit për të akuzuarin prej 8 tetorit 2003.

David Tolbert
Zëvendëssekretari
/nënshkruar/

Sot më datën 30 tetor 2003
Në Hagë
Holandë.