PARA DHOMËS SË GJYQIT

Para: Gjykatësit Alphons Orie, Kryetar

Sekretari: Z. Hans Holthuis

Urdhër i datës: 27 nëntor 2003

PROKURORJA
kundër
FATMIR LIMAJT, i njohur si Çeliku
HARADIN BALËS, i njohur si Shala
ISAK MUSLIUT, i njohur si Çerçizi

Prokuroria
Andrew Cayley
Alex Whiting

Avokatët e të Akuzuarve:
Michael Mansfield dhe Karim A.A. Khan për Fatmir Limajn
Tomë Gashi dhe Peter Murphy për Haradin Balën
Steven Powles për Isak Musliun

DHOMA E GJYQIT I ('Dhoma') e Tribunalit Ndërkombëtar për Ndjekjen Penale të Personave Përgjegjës për Shkelje të Rënda të së Drejtës Humanitare Ndërkombëtare të kryera në Territorin e ish-Jugosllavisë prej Vitit 1991 ('Tribunali');

PASI ËSHTË VENË NË ZOTËRIM të 'Mocionit të Prokurores për Leje për t'u Kundërpërgjigjur dhe për Zgjatjen e Kohës' ('Mocioni'), të paraqitur më 24 nëntor 2003, në të cilin Prokuroria kërkon autorizim për t'iu kundërpërgjigjur përgjigjeve të të Akuzuarve ndaj Mocionit të Prokurorisë për ta ndryshuar aktakuzën, të paraqitur më 20 nëntor 2003 ('Përgjigjet e të Akuzuarve'), si edhe zgjatjen e kohës per t'u përgjigjur deri më 1 dhjetor 2003;

DUKE MARRË NË SHËNIM se Mbrojtja nuk e kundërshton Mocionin dhe DUKE MARRË PARASYSH se zgjatja e kërkuar e kohës është e arsyeshme;

NË BAZË TË RREGULLAVE 126 bis dhe 127 të Rregullores së Procedurës dhe të Provave të Tribunalit;

E MIRATON Mocionin dhe e AUTORIZON Prokurorinë për t'iu përgjigjur Përgjigjeve të të Akuzuarve deri më 1 dhjetor 2003.

Bërë në anglisht dhe frengjisht; teksti në anglisht ka përparësi.

Sot, me datën njëzeteshtatë nëntor 2003.

[Vula e Tribunalit]